Kan tuar thiam lo Mama

Phuahtu: Zonunsanga, Dave, Portnoy Silas
Thluk siamtu: Lalrosiama, Zonunsanga
Satu: Benjamin Zahau, Zonunsanga, Huai Pi, Dave

Arsi chu a en lai takin a thim ta,
A va han hrilhhai thlak tak em, Thianpa.

Chung Khuanu ruat kan tuar thiam lo,
I lenrual te'n kan ngaithiam lo,
Hrilh kan hai, biangah luaithli a hul lo,
I hlimthla thlirn hlim zai kan vawr thei lo.

Van kulh kawngkharah chuan min lo nghak ang che,
Beram no angchhungah chuan kan intawng leh ang, Pialralah.

Mama, mama, mama, mama,
First World pawh thlen hmaa tinge mittui tlaa min siam,
Mi hmaah, inchhungkhurah chuan Lal fapa,
Thiante bulah chuan inhlawhfa ang maia inngaitlawm i ni asin,
Ka thiantha, tlai dar nga a lo ri a,
Ball pet a lo hun, i hming an lam ri a,
I rawn thleng ve si lo a hmun,
Sikul luh a lo hun a,
Khawiah nge ni zirlai thiamthei kha,
Zanriah kilhuna kan nuihpui thin,
I fiamthu thawh te kha han en ta che,
I nu leh pa, i farnu te, beiseina sang tak an nei ve asin i zarah,
Fapa rangkachak tia sawi hlawh i ni asin mi karah, Mam.

I chun leh zua an la tiam lo,
Nang ngaih zai reng an bang thei lo,
Kan hnem thiam nem'aw i lenrual zawng te'n,
I sulhnu chhuin suihlung a leng lua e.

Van kulh kawngkharah chuan min lo nghak ang che,
Beram no angchhungah chuan kan intawng leh ang, Pialralah.

Kan hmangaih chu thihna kut vawtin a man ta,
Kan rin ngai loh, rin phak bakin thil a thleng ta,
'Mama' tia hmingchhalin sunna ziah a ngai ta,
I hmaih ngai loh zirlai ti tha chawimawi ni a lo thleng leh ta,
Kumdang ang bawkin i dawng leh asin,
"La ta che, kha..."
I remruat dan hi ka hrethiam thei lo asin, aw Lalpa,
Malsawmna tinrengin i vur a,
I malsawmna a dawn te mi tana hman tangkaia,
A par chhuah ve hmaa ngatinge i hnena chawl tura i hruai tak?
A thiante hian kan kham lo, kan ngai a, hmuh kan chak,
Mama, a hun lo, i la ngah tihhmabak,
Mittui nen i sulhnu thlirin kan hawi, kan dak,
Hnukulh leh lungchhiain kan ennawn fo i thlalak,
Lenrual zingah pawh hian i dinhmun chu mi filawr,
I chanchin chhia kan hriat rualin kan thinlai a nghawr,
Hriatthiam loh vangin Lalpaah zawhna tam tak ka siam,
Hriatthiam phaka chhanna dawn loh vangin thinlung hi a hliam.

Van kulh kawngkharah chuan min lo nghak ang che,
Beram no angchhungah chuan kan intawng leh ang, Pialralah.

Van kulh kawngkharah chuan min lo nghak ang che,
Beram no angchhungah chuan kan intawng leh ang, Pialralah.

"Ka Pa, he no hian min pel lul rawh se,
Nimahsela, i thu ni zawk rawh se."