Min lo hmuak la ( Ka pawm vawng vawng ang che)

Satu: Pachhunga & Lalnunsanga

Lungrun, i thaikawi thu di nghak reng hianin e,
Ka thlir vel thin kawl nichhuak chhiarin;
I tel lo tlai ni reng a rei lua e,
Rauthlalengin min lo awm la,
Tuan tula lunglai a kim ngei ang.

Tawnmang lamah thiangtea leng dunin,
Buan ang pawmin ka lo fawp che a;
Lungphang lo te'n ka tang i bel,
Ka phal lul lo awmkhua i har tur,
Min lo hmuak ang che lamkawia'n,
Ka pawm vawng vawng ang che.

Tawn loh ni reng hrui ang sei reng hianin e,
Ka hmangaihna a let zain a puntir;
Thangvanzawlah chhawrthlapui a lo en hianin e,
Engtin tuar ve ngai che maw,
Hnemtu dang reng an awm lo ve, aw di.

Ka au thin che mualzapui kar dana'n, aw di,
Biak zai chhawn tur reng, aw, ka tawng si lo;
Mahte'n ka leng zo lo nunhlui ngai reng hian,
Tawn leh ni herchhuak thuai se,
Lungchim te'n nau ang i nui dun ang.