Ni ropui (Inneih hla)

Phuahtu: SaiWanah
Satu: SaiWanah Sailo & Bawihi sailo

Chung Pathianin kan tana rem a ruat ropui chu,
Min tihhlawhtlin sak ta, ni ropui a va ni em;
"Rinawmin takin kan inhmangaih reng ang," tiin,
Pathian leh mi zawng zawng hmaah kan puang e,
A nuam leh hrehawm, hlim leh lungngaih niah pawh.

Fanau maltluan chawiin hlim te'n leng se,
I malsawmna chhiarsen lohin vur la;
Hai ang tarin sakhmel te lo chuai mahse,
Kristian chhungkua dina i rawngbawl turin,
"Tiam tlat e," tiin an hma hun an hlan,
Nangin kaihruai la, he inneihna hi malsawm ang che.

Hun leh ni te her liamin kan hringnun kawng zawh chhuk chhoah,
Harsat, mangan, buaina te'n min tlakbuak mahse;
"A nuam leh hrehawmah pawh," kan tih kha vawng rengin,
Fam khawpui kan lawi hma chuan inthen lo'ng aw,
Pathianin a zawm tawh chu, mihringin then suh se.