Rairah riang tan

Phuahtu: Thanzuali
Satu: B Lalthazuali (Tetei)

Rinnain ka chuan vel e chhaktiang Dai ram khi,
Chun leh zua chawi loh rairah an lenna;
Hmangaihtu Lalpa hre lo vin chhiarsen loh te,
Sual thim hnuaiah chhantu ngai an vai e.

Rairah riang tan eng nge kan tih ve ang?
Chhaktiangah phei lai khaia leng ve thei lo te'n;
Hmangaih thil thlawn pek malsawmna ro hlu,
Kan hlan thei e, dilsakna nen.

Zaleng zingah riang tur renga ka lo pian le,
Fam kaih si loh chun leh zua tawng lo te'n;
Ka ngai ngam lo lentu zing riaia thamral chu,
Min dawnpui ve u, ka chun leh zua te'n.

Bawihte, i chun leh zua nau ang kan tlei bil lo,
Hrai duhleng te pi pu hnam dan vanga;
Hmangaih chawi lai rel rem lo, aw, kan dawn ngam lo,
Chhantu ngaiin kan rum i chun leh zua.

Krista hmangaih vanga zalenna changtu te,
Lalpa'n min ko, sual thim kulh tawn turin;
Hrai duhleng chun leh zua kara an len ve nan,
I puang ang u, zalenna chanchintha.