Kan Zoram nuam

Phuahtu: C Thanthuama

Lenlai tawi te, hringnun vullai,
Hma te'n zamual liam tur hi;
Lenlai chenin Zoram nuama'n,
Sirtiang sawnin hlim lai nun par,
Hlim te'n chen ang, lenrual zawng nen.

Kan hlim lai ni tawi te i chen ang,
Suihlung ruala hlim zain;
Tin, kan vanglai ni te pawh,
Nitin an ral zel si.

Laitual lenna, Zoram nuam hmun,
Khua tin mawitu zo bawn siahthing;
Suihlunglentu zam vel romei,
Raltiang ram nuam lengngha lawina,
Kan ngai bil lo, Zofa leng te'n.

Tual kan chaina, Zoram mawitu,
Tleitir sakhmel rual zukleng phawng;
An duai nem maw, khua zawngah hian,
Than tum, lengrual Zofa leng te'n,
Khualvel zawng hi kan chhing ngei ang.