Lung min len

Phuahtu: C Dinthanga

In dawn ve thin em, mual liam hnu,
Suihlung ruala lenlai ni te;
A ngurpui nun iang kan lenlai,
A cham reng kei zawng ka ngai vawng vawng.

Lung min len nunhlui te'n,
Am te'n lenlai kan chen kha,
Lung min len, ka ngai mang e,
Tawnmang chang tawh hnu kha.

Hnah hluite tilin dawn tuai, thapar,
An vulin lenlai an chen;
Nun chhung tawi te damlai khawvel,
Mang mawl chang tur ka dawn ngam lo.

Aw bawihte, kan duhlai sakhmelmawi,
I tan, ka tan a chuai tur;
A ruk te'n tinkim ka dawn khawl hian,
Thamrala'n ka phal lo lei hringnun hi.