Ngaihzual i tel lo chuan

Phuahtu: C Lalrinmawia

Aw ngaihzual, i tel lo chuan ka tlei thei lo asin,
Biahthu di hrilh hman loh hian mual i liam ta si;
Ka ngai em che, ka ngai ber che tawnloh di, bawihte,
Suihlunglen ka hril leh thin mualzapui danah.

Aw, ka di duhlai mampui,
Khawi lamtluang nge i hrut zel dawn le?
Tawn loh kar a sei thui tur hi,
Aw, mi han dawn ve thin em?

Aw, lamtluang a thui vawng vawng kar hla di bawihte,
In runsang lo kaiin e, biahthu di hlan ka nuam;
Awmhar riahrun nghah chang a tam, aw ngaihlungrunpui,
Suihlunglen a thar leh thin chhingkhual ka vaih chang hian.