Ngaihzuali (C Lalkhawlian phuah)

Phuahtu: C Lalkhawliana

Ka suihlungruk dawn tam lunglen,
Tuar a har em, ngaihzual, nang vang;
I tel lo chuan ni ka leng zo lo,
Dawn lungrukah min vei ve la,
Min hnem rawh, i zun ngai vala,
Ka tlei thei lo, ngaihzuali.

Kan ngaih ang hian min ngai ve maw,
Zan mu chhing lo ka dawn changin;
Biahder thu mai min hrilh ka hlau ber,
I suihlungruk duh tin aisam;
Dam te'n min hrilh ve dawn lo'm ni?
Ka ngai ber che, ngaihzuali.

Tlei dang lenmawi nui hiau zinga'n,
Nang ang lung min len ka tawng lo;
I ngaih aw nem chauh ka lawmna ber,
Then loh biahthu dam te'n min tiam,
Tawnmang mawl mai chuan ka phal lo,
Min then lo la, ngaihzuali.

Aw, ka ngai em che, ngaihzuali,
Khiangawiin mual zawng liam lul suh;
Suihlung her to te'n min nghak rih la,
Kumsul vei khuarei chan thlengin,
Nang ngaih lai puan ang ka bang tawh lo'ng,
Nang ber ka thlang, ngaihzuali.