A thisenin min tlan ta

Siamtu: C Vanhmingliana & Bt-a
Satu: TBZ Choir (2022-24)

Zan thim hnuaiah puitu nei lo vin ka vakvai,
Khawngaihna chu ka hre ngai lo;
Ka tap thawm chu hriain Chhandamtu'n min zawng hmu,
Thisenin ka sual a tleng fai ta.

A thisenin min tlan ta, A thisenin min tlan ta,
Ka sual zawng zawng a tleng fai ta;
Kan khawlohna zawng te pawh fai takin a thai bo ta,
A thisenin ka sual a tleng fai ta.

Ka sual ritphurh zawng te chu min rawn laksakin,
Amah ngei chuan min phurh chhawk ta;
A hmangaihna leh khawngaihna chu ka chang ta,
Thisenin ka sual a tleng fai ta.

Hriatthiam a har ka ti, kei ang mi sual tana,
Lungngaia min tawrh sakna hi;
Thing krawsa a tawrhna chu ka tan a tawk e,
Thisenin ka sual a tleng fai ta.