Engtin ngai maw?

Phuahtu: Robert Khiangte
Satu: Maggie Malsawmzuali & TBC Zaithanpuia

Siamtu kutchhuak mawi te'n an vul,
Hawi vel ila a mawi hluan e;
A par tlanin hringmi kan lawm,
Kei ka tawnah a vul chuang e,
Hlimna lamtluang ka tlang sual ta,
Sual hrengkawl maw ka bun tak le?
Sal tanna kulh min dantu hi,
A pumpelh dan ka thiam ne maw.

Mahse maw, dawn chiang ila,
Tiang renga hringnun hmang tur hian;
A duang bik hian ka ring si lo,
Khuanu leng hian engtin ngai maw?

Ka ngai mang e, panlai hringnun,
Hlimtea chunnu tangbelh lai ni;
Muangtea zan mu chhin lai te,
Ruihhlo tel lo nun muanawm kha.
Tunah zawng maw hai ang thangin,
Amte'n ka chen ka vanglai ni,
Engdang reng hian min hnem zo lo,
Hrui ang min phuar ruihhlo zun chuan.

Chinlai lenrual lungduh zawng te,
Ka chun leh zua, unau zawng pawn;
Thinlai nain sam ang min then,
Belh tur ka vai, ka riang chuang e,
Puitu ngaiin ka van ruai a,
Sual do ral hrang a na lua e,
Lainattu hmel ka hai thin maw,
Ka zam ral ta ruihhlo tawnah.