Harh a hun e

Phuahtu: ZR Sanga
Satu: Mawitei & Grace Zodinpuii

Hun leh kumte a herliam a,
Hun thar a lang ta,
Kan ram kalsiam a dang mek e,
Aw, a harh a hun e.

Kan ram, kan hnam tiengtu te,
Mual an liam mek e,
Krista sipai sual do tute an herliam zel e,
An hniakhnung rawn zuia kan ram tungding tur tu nge awm?

Kan thiamna leh kan finna zawng,
Lalpa tan i hlan ang u,
Tichuan, kan Zoram hi,
Harhin a lo tho leh ang,
Mahni inkhawngaih bansanin,
Chhel takin i bei ang aw,
Ramtiam chu sual chhuak turin,
Hun tha kan neih lai ngei hian.

Hmanlai kan ram pasaltha ten,
Chem hriam an hum thin,
Tunah erawh ziakfung chawi te'n,
Ram thar an la thin.

Zoram thalai zirna runsang beltu zawng te u,
Kan ram tivul thar leh turin tihtur in nei e,
Kan ram hi tuamdama tungding leh turin tunge awm?
Kan thiamna leh kan finna zawng,
Lalpa tan i hlan ang u,
Tichuan kan Zoram hi,
Harhin a lo tho leh ang.

Mahni inkhawngaih bansanin,
Chhel takin i bei ang aw,
Ramtiam chu sual chhuak turin,
Hun tha kan neih lai ngei hian.

A eng tan ta, thimchhhah zual hnuah a eng thin,
A eng tan ta, khawfing chah hun chu a hnai ta.

Kan thiamna leh kan finna zawng,
Lalpa tan i hlan ang u,
Tichuan, kan Zoram hi,
Harhin a lo tho leh ang,
Mahni inkhawngaih bansanin,
Chhel takin i bei ang aw,
Ramtiam chu sual chhuak turin,
Hun tha kan neih lai ngei hian.