Hmangaih zunzam

Phuahtu: TBC Lalramkima
Satu: TBC Lalramkima

A mi lêng tâwnah tuahrem sa,
Kawplai ṭang dang bel tawh hnu;
Engvang kher nge kan intawn,
A pawi ngei e nang meuh tawn chu,
Ngaihlai ka bang thei si lo che.

Hmangaih zunzam vangin maw,
Hraichawi lêng leh aw kawplai nei;
Lenlai rual lo, dar ang in tawn chu,
Biathu 'D' sawi tur a tam ngei,
Kan kar biathu a har lua e,
Ṭuan ṭûl reng ka dâwn thei lo ve.
(Engtin nge kan tih tâk ang le)

Thinlai zo chhum ang zing riai e,
Dawn a tam lunglen a nâ;
Zatlâng rel ka dâwn zo lo,
Kawplai ṭhen mai ka lo nuam ṭhin,
Hlimten rûn hmun kan lên ve nân,

Ka enchim loh thinlai hnemtu,
Thinlai an i châm reng e;
Rûn hmun lên lah rem si lo,
I zûn zâm hian kian zai rel lo,
Lunglên engtin tuar zel i maw.