Zinkawng bumboh

Phuahtu: TBC Zaithanpuia
Satu: Freddy & TBC Zaithanpuia

Zin kawng bumboh leh hahthlâkah hian,
Kawng thui leh hrehawmna tinreng nen,
Kan hun leh nite hmang mah ila,
A la kiang ang — Krista zarah.

Aw Isu, i lam kan lo hawi e,
Belh tur dang reng reng kan nei si lo;
Mangang, lungngaiin kan rûm a,
Ṭanpuitu Lalpa, kan ngai a che.

Pindan chhûngrilah mittui farin,
Mangangin Lalpa kan au fo ṭhin;
Tumah rengin min hmu lo mah se,
Kan harsatna a hria, Lalpan.

Kan sakhmel hlimin lang ṭhin mah se,
Chhûngril nun erawh a rûm fo ṭhin;
Dam chhung khawsak lungkham vang hian maw,
Kan hringnun hi a chau leh ṭhin.