Kalvari kraws

Phuahtu: Lalremruata (Mapuia)
Satu: Temi Sailo

Golgotha luruh hmunah chuanin,
Sualna reng nei lo Lal Isua;
Kan sual, nat zawng zawng tlengfai turin,
Krawsah chuan khenbehin a awm a.

Kalvari, ka theihnghilh lo'ng che,
Mi sual ber silfaina hmun;
Aw, tlang mawi Kalvari Chhandamtu tuarna hmun,
Aw Kalvari, ka theihnghilh lo'ng che.

Kraws ram reh thisen hmunah chuanin,
Chhandamtu lungngaiin a rum a;
"Eloi, Eloi, lama sabakthani,"
Ka Pathian, engah nge min kalsan.

Chu tlang mawi Kalvari ngei chu,
Nung tlak lo ngaihdamna hmun chu;
Hmangaihna tawp lo vin Chhandamtu a au,
"Ngaidam rawh, ka Pa," tiin.