Nang malsawmna ni ang che

Satu: Various Artists Lunglei (2010)

Thenkhat te'n hlim te'n khuavel par mawina an tlan,
Damchhung ni hlim te'n an chen a;
Retheih vanga lungngaihna reng an hrethiam ve mawlh lo,
An tan khuavel a par vul ngei,
Kimtlang kim lo leh mawi loh vanga lunglai dam thei lo,
Dawn lungruk an chhui thiam lo ve,
Hmalam hun thlirin an vai, lung lem reng an nei thei lo,
Mahte'n e, hringnun chhiar an zuam lo.

An tan malsawmna ni la,
An tan kawng hawngtu ni la;
I tanpui nghakin an thlir e,
An tan thilpek rawn hlan la,
Aw, nang malsawmna ni ang che,
Aw, nang malsawmna ni ang che.

Kan Lal Isua kha rethei ten an pan thin a,
Piangsual te'n amah an beisei;
Thinlungna a tuam dam a, chhuanchham te ei tur a pe,
Riangvai te tan a hlu chuang e,
Nangpawh Lalpa'n a sawm che, riangvai te thian ni turin,
An tan malsawmna ni turin,
Aw unau, i neih rohlu, i thinlung, i hun hlu te,
Riangvai te'n nghakhlelin an thlir e.