Thihna chunga thihna hnehna

Phuahtu: C Ropianga
Thluk siamtu: C Lalzarmawia
Satu: C Lalzarmawia & Maggie Malsawmzuali, Mafaki

Zan thiang reh laiin Gethsemani huan mawiah,
Fawpin a man tir zirtir rinawm lo khan;
An phiar ru, dawtin an hek Judate'n,
Pumpelh thei mahse Judate Lal chuan,
A rem si lo nang nen kan dam ve nan.

A na em e, a chun riang Mari chan,
Tap chungin a zui a hmangaih Isua;
Thihna chunga thihna hnehna thu puang turin,
A thlarau a thlah ta kraws-ah Lalpa'n.

Thiamthu sawi lo a chungthu an rel laiin,
Ding duh an awm lo thuhretu pakhat pawh;
Ram awptu Pilata'n a ngaihthla a,
Mahse, lei leh van pawh an ngawi ta si,
Min hmangaih vang a lo ni, ka Lalpa.

Mahni kraws puin Kalvari tlang a pan,
Zan khua sawisak hnu Lalpa chau vin a tlu;
An zui hmeichhia leh zirtir te'n tapin,
Thihna pumpelh tura chakna a nei lo,
En ngam a har, hmangaihtu ka Lalpa.

Mitdel, phar, kebai te pawh tidamtu khan,
Thihna pumpelh zawnga thilmak ti tur chuan;
Chakna reng a nei lo Kalvaria-ah,
Amah vanga mi sual te dam nan,
A thlah liam Mari'n a chanpual Messia.