Zalenna dar

Phuahtu: Malsawmdawngzuali (Msi)
Satu: Davida te unau

Zanin chu raltiang ram ka thlir a,
Van khawpuiah eng nge an tih ang le?
Tuipui leh tlang sang thlawh khumin,
Chhum zinna leh arsi enna pelin,
Beram no awm nghenga an lenna hmun chu,
Min hrilh chak hian ka ring thin,
Hmangaih kalta te khan.

"Haleluia" tiin ka zawm ve,
An fak zai riah rum ri a tel lo,
Tih famkim anni tawh si,
Zalenna dar an vua.

Lei ni, hun leh kum te ral zel mahse,
Nang ngaih a bang dawn lo a thar zel si;
I aw, zai mawi leh anka nem,
Aw, thinlaiah tharin a cham reng si,
Tuktin par mawi ber te an lo par angin,
Hmangaihna ngah mi niin i lo par siamtu tan.

He lei famkim lohna ram rehah hian,
I lei ni te lo chhiarchhuakin an kin ta;
Kumhlun lohna ram tih hriain,
I Lalpa thuruk vawng reng chung siin,
Ropuina van kawngka lo inhawng tur chu,
Thlarau mitin i lo hmu si, kan hmuh ve phak loh chu.

Thihna kut vawt hmaah zam hauh lo vin,
"Hnehna chu Lalpa ta a ni, Haleluia;
Lalpa, i hnen ka haw dawn ta,
Ka thlarau i kutah ka kawl tir e,"
Tia hnehna hlado i chham lai khan e,
Pasaltha kan ti che asin,
Ka u, aw, kan duat lai.

I lei sulhnu dawn chang ni hianin e,
Mittui nen chhun ni kan hmang leh fo thin;
"Kal zel rawh" tia min au vin,
Kan chakna, beiseina i ni fo si,
Chumi hmun mawi kan rawn thlen ve hunah chuan,
Min lo hmuak la, kawngkhar mawiah,
Aw, a va nuam dawn em. 

(Hla thu kan rawn tarlan hi an zai ngaithla chunga kan chhut chhuah chawp ania, an hla thu lam thenkhat hi kan chiang thei bik lo, a dik zawk hria chuan comment lamah emaw kan e-mail: mizohlathu@gmail.com lamah min rawn hrilh ula, kan lo siamtha leh dawnnia)