Aw min hrilh rawh

Phuahtu: Lianchhuma (Sialsuk)

Mahtea lunglen ka tawrh chang ni hian,
Min ngaihtir nunhlui mual liam hnu;
Khuarei mah chang se ka nghilh lo'ng kei zawng,
Ka damlai ni a tlak hma chuan.

Aw, min hrilh rawh i dawn lungruk,
Tumtawk leng hel khua ka tlai hma hian,
Hmanhmawh la, aw, a riang tawnah.

Chhuihthangval ka lenna Zotlangpuiah,
Lungrualpui di ka dawng vel a;
Kawptea di nen an leng ka thlirin,
Lungrualpui di ka sawm ve che.

Par ang i vulna mi hraileng tawnah,
I lawm nan biahthudi nemte'n;
An hril dawn a ni lem ang der thiamte'n,
I dawn lo, i la riang ngei ang.

Suih lungphang lo te'n lung ka her ta'ng e,
Di lo hian ka leng bik lo'ng e;
Thangthar, tleitir nuihmawi lo lianin,
A tanga'n min la chawi ngei ang.