I hril dun ang

Phuahtu : Achhuana Ralte
Thluk siamtu: David Lrs Hrangchal
Satu: Vanlalngaihsaki Hmar

Tuanna tlang danga i liam hnu khan awmkhua a har,
Zan khua a rei vawng vawng;
Tawn loh ni rei tur ka dawn sei ngam lo,
Hnemtu ngaiin ka tham vel e.

Tlai ni nema'n lunglen a nem lo,
Tleitir sakhmel reng ka tleipui lo;
Chung lum angel ianga leng zan lalnu,
Zan tiang chhin har lunglen i hril dun ang.

Turnipui leh zantiang lalnu ten hel bang lo se,
A her ngei ang tawn ni;
Van hnim tlei ni reng awm si lo,
Lo haw thuai rawh, ngaihlai Ate.

Damlai khuavel nunkhua tinuamtu runah,
Awmhar mi chun i chan ai chuan;
Dawn tam val leng kara'n maw nui rih la,
Chutin lunglawm a kim mahna.