Min hmangaih rawh

Phuahtu: Hmachhuana Khiangte
Satu: Jaui

Tudang an leng lo, leng lo, kan kara hmangaihna,
Lengdang an ngai lo, ngai lo, nang nena hmangaihna,
Ti teh ang ka tiam che a ni lo'm ni, ka theih tawp i tan nise,
Rual ka pawl lo, lengdang an ngai lo i kiangah chuan.

I par zu ka dawnin, a thlum, a thlum tui zia,
I zunah ka uaia nang ngaih lai reng ka bang thei lo,
Thaleng dang karah nang neih zawng ka inchhuang thin asin,
Ka lei mawina ber par ang vulin min hmangaih rawh.

Hausak a ngai lo, ngai lo, nang nena hmangaihna,
Harsat a rem lo, rem lo, nang nena hmangaihna,
Enteh, min hrechiang ve a ni lo'm ni, i hlimna ka kut nise,
Theih tawp i chhuah ang hlim tea lengin kumtluang atan.

Kan karah hmelma hrang mahse, ka tlawm lo'ng e kumtluangin,
Chun leh zua lo hrang mahse ke bei zel ang chatuanin,
Duhthu ka sam a, fan ngai loh ram fan ka nghakhlel,
I kianga lengin chatuan, chatuan atan.