Nang ngei hi i lo ni

Satu: J Lalremruati (Sentei), Siampuii Ralte

Thinlai hnem suihlungdumtu,
Ka vai ruai e vang khaw zaua'n;
Eng vang nge Khuanu leng hian,
Riang tur bik a duang em ni?
Duhaisam tawng lo reng hian,
Ka thamral bik dawn em ni?
Duhaisam tawn ni zawng a herchhuak ve ngei ang.

Thinlai lungdamna duhsam kimna ber leh,
Runrem pui tura ka duhthlan ber chu,
Duhthlan ber chu nang ngei i lo ni,
Zaleng zawng zingah ka hmangaih ber leh,
Min tihlimtu ber ka lawmna ber chu,
Lawmna ber chu nang ngei hi i lo ni.

Hlim ni kawl herchhuak ve e,
Duhaisam ka tawng ve ta,
Thinlai chhumpui ang zing thin,
Senlai nau ang nui hiau e,
Tudang ka ngai bil lo'ng e,
Di lungrun ka tangah bei la,
Kan hlim ni leh lawm ni chhiar dun zel ang aw.

Chhim hlei tual leng zawng zinga'n,
Nang chhing zo reng an awm lo;
Duhaisam kimna ber chu,
Nang ngei hi i lo ni e,
Leng zawng doral chang mahse,
Lungphang lo'ng che, lungrunpui,
Runhmun lenpui tura'n nang ka thlang ber che.