Dawn thiam a har

Phuahtu: Thangliana Colney
Satu: Juliet Hnamte

Puan ang chul hnu nunhlui zawngte,
Lam ang let hian an mawi si lo;
Aw di, lunghnem min hnem thintu,
Nang ngaih a zual leh thin.

Hlimtea lenlai kha kohkir ka nuam leh thin,
Mahse, kir hian an mawi si lo;
Lenlai rual loh vang nge lengdang min chhai san zawk,
Dawn thiam a har, lung i her mai hi.

Thiang ten nang nen lungrual tea,
Rinawm biahthu kan tiam zawng te,
Thamral leh mai tura'n maw,
Engan min lo hlan le?

Tleidang tawnah i vul tawh si,
Thinlai ruk pawh a na ngei e;
Min dawn ve hian ka ring si lo.