Partin lawri

Phuahtu: Ellis Saidenga

Ka thinlai na tui ang dam ni awm lo,
Ka dawn thin a, nau ang nuih ve lai ni;
Sakhmel par ang lawm a, biahthu tinkim hrilin,
Buan ang kan pawm lai ni,
Tunah erawh nunhlui ngaihawm ten,
Khuarei an chang zo ta.

Tinlai tiriangtu mah ni la, parte,
Nghilh ni reng ka nei lo'ng che kumtluangin;
Par tin lawrin tlei dang nemrang puan zawn mah la,
Dawn ve la, vul lai ni;
Zantiang chhawrthla a lo en changin,
Nghilh lai min phal bik suh.

Suihlung chhir lo te'n mual chu liam ta la,
Ka tum bil lo'ng tha par tin lawr leng zawng;
Lunglai chhirin nau ang i tang ang khuareiah,
Ka tan par ang chul la,
Chan tawk Khuarel nang aia hmeltha;
Ka tawng ve mahna le.