Chin lem a nei dawn lo

Phuahtu: David Rualthankhuma

Duh thuleng sam mai maw suihlung damna,
Chung siar mai khi maw lungrualna;
Mahriaka suihlunglen hi dam ang maw,
Engtikah suihlunglen hi dam ang maw.

Ih maw, chawnpui par iang nuih mawi ka di,
Biahthu hrilh angin suihlung her lo la;
Kei zawng ka zam thal khua romei angin,
Suihlunglenin chin lem a nei dawn lo.

Chhawrthlapui a lo eng van zawl mawiin,
Laikhum belh dawn mi u'n thlir ve maw;
Vangkhawpui sumtuala khua hawi velin,
Mite zawng kawp te'n di nen an leng e.

Tawnmang maia run hmuna leng dunin,
Hai ang thangin suihlung min vaihtir;
Ami iangin sawiin hril thiam ila,
Hril ka nuam ka suihlunglen thu di zawng.