Tuaitharlengi

Phuahtu: K Biaksangi

Thangthar tleitir zuna uai chu lu a hai,
Luang thli chhem nghin iangin duh duh lam a hawi;
Lung lem nei lo hian val tin biahzai hlan e,
Vang khawpui run tin sumtualah ar ang lawi,
Tu'n a sakhming an hai lo, Tuaitharlengi.

Inkhawm rela kim tea lo chhuak si hian,
Vangkhaw dai leh lenna tlang mualpui zawng hrutl
Tu nen lungrualin eng zai chu rel ang maw?
Tawk tein, tlai lovin siang lawi zai lo rel,
Chun leh zua bum mai le, Tuaitharlengi.

Mahni tan a chhia, a tha hre si lo hian,
Hlim te'n a thaleng iangin nau ang lo nui;
Kum sul vei leh khua rei a lo chan lehin,
Lungchhirin chunnu tanglai belh zai lo rel,
Chunnu'n chhan a rel lo, Tuaitharlengi.

Mawite'n lengin tu'n a hming chu sel lo se,
Par tin lawrin thaleng zawng chu zuan lo se;
Run hmun lenpui thaia chan ka nuam ve na'ng,
Mahse, nun sim len mawi zai a rel si lo,
Lung reng a ti awi lo, Tuaitharlengi.