Zo sumtual - Inpeih rawh

Phuahtu: Bcha Renthlei

Vanhnuai sakhming zingah,
Hermawi chuang Zo sumtual;
Thangvana kiu ruaiin,
Hnam thlan ram rawn chhal e.

Lalpa ni duhtu te u,
In chung a pik e, eng ni lo vin,
Thim a ni zawk dawn lo'm ni?
Thimna leh khawdurna ni angin,
Bawhchhiatna a puntir e,
Lal dan a hnar tiin,
Nula thianghlim Israel chu, aw, a tlu ta e.

Hlauin khur ang, tling lo ram,
Khau ang vuantu te an la hnawl ang,
Thlante ram kawl en hun chuan,
Chawm khuang nen, aw Israel...inchei lehin,
Lal tan fa tlum ber niin,
Lal dan a chunglur e,
Ram tin deng nang e,
Rah chhuah, aw, Zo sumtual e.

(Hmana Liando, Tuaisuala iang,
Lengte hnawl ram chu,
Lal Lersia iang run bel mi ring lo maw,
Leilung Kanan thar nun,
Khuangchawi mai rawh maw aw,
Lal hnam kawl eng ang an hai Zo sumtual.)

Hmana Liando, Tuaisuala iang,
Lengte hnawl ram chu,
Lal Lersia iang run bel mi ring lo maw,
Leilung Kanan thar nun,
Khuangchawi mai rawh maw aw,
Tiin, awi, awi, awi,
Lal hnam kawl eng ang an hai Zo sumtual,
Suamtual e, aw, sumtual e..
Lal hnam kawl eng ang, an hai aw, Zo sumtual.

(Khawnge, ka'n hril ve leh ang e,
Zion a tlang thianghlimah,
Zo thlifim lenna malsawm rama'n,
Ralrinna tawtawrawt mi hrang rualin,
Chengrang chawiin khuatin an dap ang,
"Zoram, i Pathian tawk turin inpeih rawh" in ti leh ang aw)

Zion a tlang thianghlimah,
Zo thlifim lenna malsawm rama'n,
Ralrinna tawtawrawt,
Mi hrang rualin chengrang chawiin khuatin an dap ang,
Tiin, awi, awi, awi,
Zoram, i Pathian tawk turin inpeih rawh,
Inpeih rawh, aw, inpeih rawh,
Zoram, i Pathian tawk turin inpeih rawh.