Zoram rohlu (Jaui sak)

Phuahtu: T Lalnunzama
Satu: Jaui

Zoram tluana thing leh mau, nungchate engkim siamtu'n;
Zofate rohlu atan dahin a awm tir a;
Boruak tha siktui thiang leh van ruah tuihnate chhuahin,
Kan rawngbawltu an lo ni, malsawmna an ni e.

Chung tianga hram thiam leng leh hnuai leng te riahrun remna,
Ramhmul damdawi tinreng nen thlauvin an ral zel e;
Lungchimtea an chhinna phang lo va siang an lawina,
Vengin i hum zel ang u, tlang tina Zofa te'n.

Mahse, kan malsawm dawn te sen meisain a kangral thin;
A pawi em e, i sim ang u,
Tlang tina Zofa leng rual, muang lo vin i thawk thuai ang u,
Zoram rohlu venghim zel turin.

Chung Khuanu malsawmna te'n min au ve Zofa leng te,
Min chhan r'u, min chhan thuai r'u, kan thamral zo dawn e,
Hai ang than harh a hun ta, muang thei reng kan ni lo ve,
Zoram rohlu hmangaihin duat te'n i veng ang u.

Setan hremna meipuiin kan Zoram rohlu zawngte,
A kangral thin, venghimtu, chhantu ni zel ang u;
Hnam tin te hmuhchak ram nuam, par mawi tin te awmna hi,
Sen mei pui laka'n vengin i humhim zel ang u.