13 Jul 2024

Kan la nuihpui ang

Phuahtu: Priscilla L. Fanai
Satu: Priscilla L. Fanai


Thlan tur reng awm lohna hmun,
Mittui tlakna ramah hian;
Hmangaih tawngin kan then leh thin,
Khawhar tawp a awm lo ve,
Mahse, chu zawng kan tawpna tur a ni lo,
Van inah kan intawk leh ang.

Fak hla sain kan zai ang a,
Kan zin kawng zawh te chhuikirin;
Kan lungngaih mangan lai berin,
Thlirin kan la nuihpui ang.


Aw, ka ngai chu ram nuam chu,
Lunglen changin ka thlir thin;
Chhum zingah Krista lo lanin,
A awrawl kan hriat hun chuan,
Thihna vanga hmangaih kan then tak zawngte,
Thlan thimin a dang zo tawh lo'ng.

Lungkham reng nei tawh lo va,
Lungduh kan intawh hun chuan;
Nunna lui kiangah lengin,
Hlimna par kan tlan ang a,
Chhandamtu buatsaih ruai ropui chu kilin,
Kan hlimna a chuai leh tawh lo'ng.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: