Di ngaih lunglen

Phuahtu: Zoremi Colney
Satu: Jenee Zote

Ngaihlai di ka enchim loh,
Nang nen tuanna tlang a dang leh dawn ta;
Suihlunglen ban zai ka rel thiam si lo,
Engtin nge nang ngai hian chhun ni zankhua ka hman leh tak ang le?

Eng dang ka dawn thei lo,
Eng tin hian tuar bik che u maw:
Kar hla di zun ngaih lunglen,
O..o..o.. a na sin,
Kan tiam tawn leh ni herchhuah leh chuan e,
Bawihte, runhmun lendun zai hi,
O...o...o.. i rel ve tawh ang aw.

Lengdang te'n chhailai di nen,
Ariang ka chan hi min dawn pui si lo;
Ka van ruai ruai kei zawng hnemtu ngaiin,
Ka nghakhlel, bawihte, tawn leh ni tur,
Herchhuak tawh mai se kan tiam thu di.

Bawihte, nang nen runhmun lendun hun chuan e,
Nau ang hlim zai relin kan tiam damchhung rinawmna nen;
Hmangaihna par ang ti vul dunin,
Kan hlim dawn si a, aw, chu hun chu ka nghakhlel em e, bawihte.