Min rualpui leh rawh

Phuahtu: Laltanpuia Tochhawng
Satu: Laltanpuia Tochhawng, Famkima

Hmanah chuan e, bawihte, min hmangaih thin kha aw,
Hmangaih vanga hlimtea nui dunin;
I tan ka tling zo lo kan tih dun lai te kha aw,
I tang hlim te'n ka belh lai te kha aw.

Aw, ka va ngai che em, aw, ka ngai vawng vawng che,
Lendun leh zai rel dan a awm lo'm ni?
Aw, ka hmangaih, i kiangah chuan hlim ve thin kha,
Ariangte hi lung min rualpui leh rawh.

Pangpar mawi te leh zing thlifim leng vel te u,
Ka hmangaih kha in lo hmu anih chuan;
Chibai bukin ka hmangaihna min lo hlan ula,
Bawlhhlawh lo turin lo veng ang che u.

I thinlung chuan sual lam reng a hawi ngai lo va,
I ngaihtuahna chu a thianghlim thin;
Aw, i hmangaih nih kha, a lo va hlimawm em,
I duat nih kha, a lo va nuam thin em.