I rinawmna a pangngai reng

Phuahtu: Eddie Zote
Satu: Zualtei & Jenny

I van, i kutchhuak thla leh arsite ka thlir chang hian,
Mihring hi eng nge maw nia i hriatreng le?
Mihring fapa pawh hi tunge maw nia i kan thin ni,
Ropuina leh chawimawina i khum tir hi.

I malsawm tlak nun nei lo mah ila,
Malsawmnain nang chuanin min um zui reng si;
Rinawm lo vin phatsan thin che mah ila,
Ka tan i rinawmna a pangngai reng si.

Nang phatsanin mahni nawmna tur chauh ngaihtuaha ka awm laiin,
I kut chakin min chelh reng thin min ensan ngai lo;
Ka hnung lam leh ka hmalamah min vengin min chelh reng thin,
Boralna tur lakah min humhim thin.

I tan ka tih theih tawk a va tlem lua em, aw Lalpa Isu,
Hei aia nasa a chawimawi che ka duh;
Vawi sang tam pawh piang nawnin rul tur che ni dawn ila,
Ka rul seng chuang lo'ng che hringchan chhungin.