I tel lo chuan (Christmas)

Phuahtu: Famkima
Satu: Famkima & Zirtluangpuii

Ka di bawihte, ka hmangaih em em, ka duhlai,
Kan kar lamtluang a thui si a, i dam lai em ni le?
Aw, ka di valmawi, ka duat em em, ka hmangaih,
Ka dam thin e chung Khuanu leng malsawmnain.

Sikni boruak nam ri riai kara'n i ngaih ana lua e,
Ka ngai em che, ka tuar zo dawn lo luaithli ka nul leh thin;
Engtin tak hian hmang ve ang maw Krismas lo thleng tur hi,
I tel lo chuan hman ka zuam lo, Lal pian ni champha hi.

Lengdang te zawng an hmangaih di nen sikniah,
Hlim te'n an leng, an nui hiau ve Krismas ni ropuiah,
Lo lungngai su, lo lungphang suh, i ta ka ni e,
Ka thinlungah hian ka vawng reng che.

Aw le, bawihte, kan kar lamtluang hi hla mahse,
Thinlung khatin i hmang ang aw, Lal pian ni champha hi.
Thinlung zawngin ka tiam a che, i tan chauh ka rinawm ang,
Runhmun kan lendun hma chuanin.