Min belh san

Phuahtu: H Lalthanpuii (Lti), Serchhip
Thluk siamtu: Famkima
Satu: Famkima

Thinlaiah tinkim ka han dawn chiang a,
Van a duai e ka hringchan ve hi;
Lunglam vaihna khua a sei mang e,
Ka riang lua e zaleng zingah hian.

Kumtluang thaia'n min tiamtu chuan,
A thai leh hrai te dawn lo reng khan;
Suihlung a mawl zo, tang dang min belh san,
Damlai thlan thim min chan tir ta si a.

Ka thinlaina tur dawn lo reng khan,
Hmangaih par tlanin lenlai an chen;
Karah hraite lo piang meuh maw,
Tunah kan nun hlei te'n a dang ta.

Kan hrai te rairah tur phal lo khan,
Thinlungna leh hrehawm tin ka tuar;
An tan ka theihna ka hmang ral a,
Mahse, a thlawn mai an chang zo ta.

Tunah zawng kian zai ka rel mai ta'ng e,
Lam ang let hian ka mawi tawh lo ve;
Suihlungchhirin lo kir bik lo la,
A rem tawh lo, kumtluangin mang tha.