Ka chawl ta

Phuahtu: Manun Lianhna
Satu: Angaihtei & Mama Hlonchhing

Harsatna te'n min hual, ka kawng a thim ngei,
Lungngaihna chhum dumin min bawm a;
Hmatiang ka dawn ngam lo, ka hma a thim si,
Tanpuitu Lalpa ka ngai em che.

Puitu ka zawng ruai a, ka hmu zo si lo,
Nitin ka buaina lo zual zel si;
Tu nge ka belh tak ang tiin ka rum a,
Tanpuitu Lalpa ka ngai em che.

Ka au che Lalpa, min chhang dawn lo em ni?
Ka mangang authawm hi haider suh la;
He hmunah hian, Lalpa, ka ngai che.

Eng nge lungngai taka ka kun reng ang le?
Ka hnenah nang i awm reng si a;
Min thlahthlam ngai lo ka hria e,
Engkimin i thu an zawm si a,
I kiangah hlauh tur a awm si lo.

Phuarna a phelh zalen ka ni ta e,
Manganna zawng zawng ka phurrit zawng pawh;
Aman phurin a la bo ta, Haleluia, Amen.

Thlipui hrangin tuifawn mahse,
Khawdur leh thimin min hual vel mahse;
Min tanpui turin i hnai reng fo,
I kiangah muang te'n ka chawl ta e,
I kiangah muang te'n ka chawl ta e,
I kiangah muang te'n ka chawl ta e.