Ka nau Vala

Phuahtu: CFL Hmingthanga
Satu: CFL Hmingthanga

Awmkhua a har ka han dawn changin,
Suihlungruala kan lenlai kha;
Mahse, tunah fam dairial changin,
Lei hringnun hnutiang i chhawn ta.

Ka ngai em che, ka nau Vala,
Kir leh hian i mawi si lo;
Mahse, an sawi chatuan ram mawiah,
Hlim tea intawh hun ka nghakhlel.

Ka nau duhtak, i pam hmai lua e,
Fam chang maia'n zawng ka phal lo che;
Vanglai ni leh vul lai ni chenin,
Lei hringnun i hmang ve si lo.

I lenrual unau kan run an lo kai,
I tel ve si lo hrilh ka hai ngei;
Khawia'n nge maw i tuan tak mai le,
Min ngai lo te'n fam i chang ta maw?

Lo lawm ang che, ka Lal nunnem,
Ka nau duhtak fam rauthlaleng hi;
Chatuan ram mawi nuama cheng ve turin,
Ka Lal nunnem, lo hruai ang che.