Then lohna ram (CFL Hmingthanga sak)

Phuahtu: CFL Hmingthanga
Satu: CFL Hmingthanga

Kumpuisul tam pawh a vei hman lo ve,
Kumtluanga ka thai chan min tiam a;
Mahse, ka tana i rinawmna chuan,
Awmlai nunrawng a dang chuang si lo.

Min dawn pui ve r'u, ka lenrual zawng te'n,
Ka hmangaih ber, ka thai chang tur khan;
Hmangaihna ram nuamah intawng leh turin,
Thlafam vangkhuaah min lawi san ta.

Hmangaihna vang chuan chun leh zua hrang nen,
Hmelma zawng te chu kan tuar chhuak a;
Mahse, awmlai lian lo hrang meuh zawng e,
Hmangaih vang pawhin kan dang zo lo.

Ka di tel lo va hringnun hman reng zawng,
Ka zuam mawlh lo ve, ka zuam thei mawlh lo;
Hmangaih ber kiangah ka lawi ve theih nan,
Awmlai nun rawng min hruai ve rawh.

Lunglen zual changin i zalna suanglung khar,
Hawn leh ka nuam thin hmangaih luat vang hian;
I sakhmelmawi ka hlimna ber kha,
Tawn leh ka nuam, engtin awm maw?