Kan tlang ram mawi

Satu: CFL Hmingthanga

Thal favang lenkawl tur ni alo chhuak eng riai a,
Tlang tin leh mual tin a thawi dam diaia;
Sirva leng rual leh nungcha tinreng te pawh hian,
Vanglai par ang an tlan suihlungrual tein.

Kan tlang ram a mawi ngei zo thlifim a leng del del,
Mah te'n ram va tuan ila suihlung a leng vawng vawng;
A saw raltiang tlangah romei a kai chiai e.

Thal favang lenkawl tur ni a lo en chang ni hian,
Nunhlui liam hnu te ka ngai zual thin a;
Hmanah lenrual hlui zawng nen suihlung ruala lenlai te,
Herchhuak leh tak ang maw, kan tlang ram mawiah hian.

Aw, khawia'n nge in awm tak, lenrual lungduh zawng te,
Hlim lai par tlana lenlai ni zawng kha;
Ngai hian ka au ruai ruai, kir zai an rel si lo,
Kan Zotlang ram nuam suihlung min lentu.