Ngaihlai masang

Satu: CFL Hmingthanga

Aw di, suihlungruala kan lenlaini zawng kha,
Khuarei an chang zo ta, hlim ni par ang an chuai,
Hmangaih biahthu di min hlan zawng te,
Ka vawng reng thin thinlairukah.

Mahse, kei zawng ka tuar thiam lo,
Ngaihlai Masang, i tel lo chuan;
Awmkhua harin thinlai a hnim riai riai,
Eng dang ka dawn thei lo nang vangin,
Ngaihlai Masang, ka ngai ber che.

Nunhlui zamual liam hnu ka dawn kir chang ni hian,
Mitthlaa'n i cham e, i sakhmel hlimthla hi;
Buan ang pawmin, aw, min hlan leh la,
Anka nem te'n i hmangaihna.

Lenrual zaleng zingah hlim ni awm thin mahse,
Ka thinlai lungrukah nang ngaih ka bang chuang lo;
Zaleng zawng te'n min sel thin mahse,
Suihlungrual te'n i leng dun ang.