Nang chauh ka hmangaih che

Phuahtu: CFL Hmingthanga
Satu: CFL Hmingthanga

Thinlai ruk a hlim thei si lo, ka hmangaih luat vang che hian e;
Biahthu di min hlan ve si lo maw, duhlai sakhmel tha chungchuangi,
Leng dang tawnah i hmangaihna i hlan tawk zawk em ni?
Zan mu ka chhing thei lo hrilh ka hai lua a ni.

Aw, ka hmangaih leh duh ber, Mampui,
I liam hmain vawi khat tal ka lam lo hawi leh la;
Hmangaih biahthu ka hlan nang che,
Kumtluang a ka rinawmna biahthu, Mampui.
Thinlai ruk a hlim thei si lo, i tel lo chuan bawihte,
Zan mu ka chhing thei lo, hrilh ka hai lua a ni.

Zawlkhawpui zaleng zingah pawh ka thinlai luahtu ber i ni,
I tel lo chuan e, hlim zai reng hi ka rel thei si lo duhlai mi u;
Vawi khat talin i hmangaihna min hlan ve mai la,
Lunglai a hlim ngei ang, aw, ka hmangaih vang che hian.