Thlir zel ila

Phuahtu: CS Lalrothuama
Satu: Benjamin Zawlneisanga

Lei ram buaina ten min chim tawh ngai lo vang,
Van hmangaih par tlantu zawng zawngte;
Aw, van nun kan tem lei ramah,
Van mite nun kan zir zel e, Lal danin,
Angel dungthulin kal lai kan rel zel.

Thlir zel ila tlansate lenna ram nuam khi,
Hmangaihtu Lalpa'n kan tan a buatsaih ram chu,
Lei ram pela kan len hun tur,
Aw, ka ngai, ka ngai zual thin mang e.

Hmangaihna ram thar khua lo var dawn ta,
Nitin hian kan thlir reng Lal ram chu,
Aw, Lal zun ngaia kur zawngte,
Lal zem khat zenin kan leng za Lal runah,
Chapo, sanna ten hmun an chang ve lo.

Chatuan khua lo var hun tur kan thlir reng e,
Chhandamtu vanga riang zawng zawngte;
Aw, kan cham rei ta lei ramah,
Kan haw mek zel e, Zion ram nuam panin,
Lei hnutiang chhawnin Lal run kan lawi ang.