Aw kawngte (Tommy L Pachuau sak)

Phuahtu: Tommy L Pachuau
Satu: Tommy L Pachuau, J Lalrosanga

Intawnna ni her leh chawk se,
Sakhmel tawn ni a khat ta e;
Hmangaihna hrui vuan chung zelin,
Tlai khawvara kan then dun lai.

Ngaihlai a na thei vawng vawng ngei,
Aw, ka tan hianin, thinlai hnemtu, aw Kawngte;
Lung a leng ngei mai,
Khuarei lungmawl ka lo ni e,
I tel lo va (aw haw) runhmun len hi zawng,
Dawn thiam a har ngei ka tan hianin.

I tan liau liau, i tan liau liau,
Ka rawn chhawp e biahthu fun khat;
"Nang hian eng thu min hlan ve maw?"
Tiin nau ang ka lo huk e, " huk".

I val tawnah i zunzamin,
Lunglen sikpui a len changin;
Natna hnemtu mum hnih ka hmawm,
Mahse, nang ngaih ka bang chuang lo.