A har ngei mai

Satu: Lalrindiki Khiangte (Daduhi)

Zanin zankhua tlaitluanin maw,
Tlaikhua vara laikhum zalin e;
Thinlai ruk dawn a kim ngei mai,
Ka tuar thiam lo suihlungmawl hian.

Zan mumang chhing mai lo tein,
Min hnem thintu lenrual duh zawng te;
Siang lawina run a dang si a,
Hma a thim zual thin han dawn changin.

Ti hian ka dawn thin mahriaktein,
Min dawn ve maw ka lenrual te'n;
Chhingkhual riahrun tuahrem turin,
Ngaihngam tea zan mu chhin zawng,
A har ngei mai thinlai rukah.

Kei zawng lungmawl tuar har iangin,
Nem te'n min chawi suihlungrual tein;
Biahthu min hlan lenrual duh zawng ten,
Ka thiam si lo suihlungmawl hian.

Zawlkhaw sumtual kan lo lawi a,
Nau ang nuiin lenrual za te nen;
Kan lawina run lamtluang zawhin,
Hlim te'n kan lawi suihlungrual te'n.