Damlai thlamuanna

Phuahtu: Pastor J Zothansanga
Satu: F Lalfakawmi (Fafaki)

Kan lenna ram hi zawng lungngaih, manganna ram a ni,
Van mi te tan chawlhna reng a awm si lo ve;
Aw, ka ngai zual thin mang e, par tin vulna khawpui mawi chu,
Damlai par ang a chul hunin sual ngaihdamte khawpui mawi,
Him te'n ka la thleng ve ang.

Beramno Lal lenna laitual nuam ka ngai bang thei lo,
Tahchuan nunna tui a luang cham del hnamtin damna;
Kei pawn ka tem lawk thin rauthla chawlhna ram Zion,
Hei ngei hi a lo ni e, dam ai thlamuanna.

Van nun zirin kan leng thuthlung silhfena inthuamin,
Krista hming hlu kan lawmna ber a lo ni e;
Aw, fakin kan lam zel dawn, ram tiam Zion kan thlen hma chuan,
Hringnun ral ram ka pelh hunin hmangaihte lenna ramah,
Lalbera chu kan awi ang.

Lalpa, i tel lo chuan Jordan lui ral ka kai thei lo,
Thlarau vin min hruai la, min chelh ang che;
Chau lo vin ka kal zel dawn, hnuchhawn ram reng ngai tawh lo vin,
Kum rei lo te a ral hunin chhandam fate chawlhnaah,
Muang te'n ka la chawl ve ang.