Hmangaihna ram Zion

Phuahtu: K Lalrinchhana
Satu: Ngurthangvela

Ram tiam lam panin kan leng e thuthlung fate,
Ram tul vanga ka kur pui zawng te nen;
Zion lawng lian chungah chuangin,
Kan pan mek e hmangaihna ram, hmangaihna ram Zion.

Haleluia, aw, haleluia, Beram no nunnema'n ram thar a buatsaih a,
Chhun leh zan reng a awm tawh lo,
Beram no en vel ram a ni, hmangaihna ram Zion.

Lal sutpui vuanin kan lam e, thuthlung fate,
Van tawng te nen perh remin zai kan vawr e;
Lei ram buaina te'n chim phak lo vin,
Chawnban vawrin kam lam siau siau ang, hmangaih Lal ram tan.

Van ruai ropui kan kil za e, thuthlung fate'n,
Hnam tin chi tin tawng tin nen lung kan rual;
Lui ral ram mawi chu kan thleng dawn ta,
Lei hringnun ram kan ngai tawh lo vang, hmangaihna ram Zion-ah.

Chatuan ram mawi kan pan mek e, chhandam fate'n,
Lei ram buaina te'n chim phak lo vin;
Hmangaihna ram nuamah kan leng tawh ang,
Zion hla mawi ropui sain kan lam dial dial tawh ang.