Kan Zin Kawng Tluana

Phuahtu: Eliza E. Hewitt (1851-1920)
Lettute: Lalawia, Pastor Thangkhuma

 

Doh is Eb

 

Kan zin kawng tluana kan hlim nan i zai ang u,
Rei lo teah kan hawng thuai dawn e;
Zan a ral ang a, chatuan khua a lo var ang,
Rei lo teah kan thleng thuai dawn e.

A rei tawh lo vang, A rei tawh lovang
Tuifawn hlauhawm kan pel dawn
Thlipui ban hunin vanah kan intawk khawm ang,
Rei lo teah kan thleng thuai dawn e.

Thawh tur kan hmuh apiang lawmin kan thawk zel ang,
Rei lo teah kan hawng thuai dawn e;
A khawngaihna chuan ni tin min tichak thar ang,
Rei lo teah kan thleng thuai dawn e.

Chaute tan khualzin kawng i siam nuam zel ang u,
Rei lo teah kan hawng thuai dawn e;
Hmangaihna thinlung pu za dial dial zel ilang,
Rei lo teah kan thleng thuai dawn e.

Chawlhna nuam a awm, mangan awm lohnaah chuan,
Rei lo teah kan hawng thuai dawn e;
Khawpui mawiah chuan mittui zawng zawng a hul ang,
Rei lo teah kan thleng thuai dawn e.

(He hla hi Sap hla 'In a Little While We're Going Home' tih atanga lehlin a ni)