Khawngaihtu Lal duhawm ka zinna ramah

Phuahtu: K Lalthanzama
Satu: R Lalrinmawii (Arini)

Khawngaihtu Lal duhawm, ka zinna ramah,
Thlemna kârah ka kal thiam lo;
Harsatnaten min bâwm, ka kawng a thim zo,
Tap chungin ni ka leng leh thîn a.

Khawngaihtu Lal duhawm, i kiangah lo chuan,
Khawiah nge chawlhna ka hmuh le?
Ka ngaih zalenna chu, kraws bula kunin,
Ka hmu thîn engthâwlna i kiangah.

Lei mawinaten ni tin ka kawng a chîm buai,
Ka duhzâwng sualah ka tlu a;
Mahse, min ngaihdamna aw nęm ka hriat chu:
"Kal la, sual leh tawh suh ang che aw."

Khawngaihtu Lal duhawm, i chakna ringin,
Khawvelin min lo au mah se,
Rei lo te lâwmna leh sual nawmna ai chuan,
Rinawma zui che ka thlang zâwk e.