Kohhran dik

Phuahtu: K Lalmalsawma
Satu: Chawlhhmun Bial PYD Zaipawl (2023-2024)

Kan sawi leh kan hril rin chanchintha hi,
A ringtute tan damna kim a ni;
Tho leh Lal Isua thurochhiah ngei chu,
Mi tin damna tur chanchintha a ni.

Apostol-te anga hriltu chu keimahni,
Kan hril ang lo va hriltu te zawng chu,
Anchhedawngin an la awm dawn si a.

Lal Isua Pathianna puangtu kan ni,
Sual ngaihdamna thu hriltu pawh kan ni;
Krista tan palai rinawm ni turin,
Apostol-te hril angin hril zel ang.

Kan sawi hrethiam lo thlamuang ve si te,
Boralna lamtluangah an liam zel e;
Khawngaihna hun tha a liam hma ngei hian,
Sengkhawm hnathawk turin i tang zel ang.

Chawl hman kan ni lo, muanga awm thei pawh kan ni lo,
Krista tan palai thawktu kan ni si;
Lawm chungin Lal hna i thawk zel ang u.

Lal Isua hminga ngaihdamte kan ni,
A hniak zuitu kohhran kan ni e;
Harsat, mangan, buaina kan tawh zawng pawh,
Kohhran dik kan nih tichiangtu a ni.

He lungpui chungah hian ka kohhran te,
Ka rem chho ang Lalpa Isuan a ti;
Mitthi kulh kawngkhar paw'n a ngam lo vang,
A sawi lawk kohhran ngei kha kan ni e.

Kei hi inhnenah khawvel tawp thlengin ka awm ang,
Thlamuanna thuchah dawngtu te kan ni;
Thisena a lei kohhran kan ni e.

Lal Isua Pathianna puangtu kan ni,
Sual ngaihdamna thu hriltu pawh kan ni;
Krista tan palai rinawm ni turin,
Apostol-te hril angin hril zel ang.

Lal Isua hminga ngaihdamte kan ni,
A hniak zuitu kohhran kan ni e;
Harsat, mangan, buaina kan tawh zawng pawh,
Kohhran dik kan nih tichiangtu a ni,
Kohhran dik kan nih tichiangtu a ni.