Nunhlui ngaihawm

Phuahtu: Lalduhawma Hnamte
Satu: Lalrindiki Khiangte (Daduhi)

Mah te'n awmkhawhar chang hian,
Ka dawn thin kan nun hlui te;
Lenrual lungduh zawng te nen,
Hlim zai kan vawr thin lai kha,
Eng tikah dar ang tawng leh ang maw,
Hlimlai ni an her liam ta.

Dawn a sei thlawn e,
Luaithli nul a awl ngei e;
Tawn leh ni her leh ang maw?
Her leh hian ka ring si lo.

Nghilh thei hian ka mawi ne'm le,
Perhkhuang tingtang rimawi nen;
Eng dang ngai lo tul lengin,
Zai tin kan vawr thin lai kha,
Chul mai tura'n ka phal lo,
Awi maw! nau ang kan nuih lai ni te.

Tunah chuan e, hraileng nen,
Siang kan lawi za hal lo te'n;
Rual hlui engtin awm maw?
Duh te'n leng ve tak ang maw?
Nghilh thei bik hian ka ring lo,
Nun hlui ngaihawm koh kir an nuam ang.