Thihna lui ral ram mawi nuamah

Phuahtu: Charles J Butler
Lettu: Upa F Lalngura (Tarpho)
Satu: F Sanglura

Thihna lui ral ram mawi nuamah,
Chatuan in ropui a awm;
Pathian fapa thisen hluin,
Mi tin tan lei sakin.

Chu khawpui mawi khawpuiah,
Hmangaih te nen kan leng ang;
Krista hnenah kan cheng tawh ang,
Thihna lui ral ram nuamah chuan.

An la chuai ang thil siam zawngte,
Khawpui nghet pawh a awm lo'ng;
Kuta sak loh Pathian siam chu,
Chatuanin a chuai lo vang.

Lungduh lenrual kal ta zawng kha,
Chu khawpuiah chuan an leng;
Hlim takin min lo nghak reng e,
Mittui tlak tawh lohnaah.

Chu khawpui mawi duhawm tak chu,
Ni tinin ka thlir fo thin;
Khawvel ni hi a kin hunin,
Krista'n van i ta min ti.

('Thihna lui ral ram mawi nuamah’ tih hla hi Upa F. Lalngura, Tarpho (1920-1995) in Sap hla, Charles J. Butler phuah ‘In that City/O’er death’s sea, in yon blest ci­ty’ (Redemption songs 851), kum 1945 bawr vela a lehlin a ni. Sap hla dang ‘Jerusalem ka hmun ropui’ (My Glorious Home) ti te pawh a kutchhuak a awm bawk. Upa F Lalngura hi he hla satu Er. F Sanglura pa a ni)