Chhingkhual lengdang

Phuahtu: Lalremruata

Satu: Christy Zaithanchhungi

I dawn ve thin em, kan hlimlai ni?

Vangkhaw pela i lo len ni khan;

Ka tanga bei i thlan ni kha,

Rual duh zawng paw'n min lawmpui asin.

Mahse, karah thu kan thlun ve laiin,

Chhingkhual lengdang i lo pawm ta si;

Ka hawi ngam lo ka lenrual tawnah,

Hmelma anka ka tuar zo lo,

Engtin nge maw ka tih tak ang le?

0..o...o...o..o..o

Tawnthar di chu lo bel ta la,

Kumpui pawh sul ang lo vei se;

Ka tang i belh lai than niah,

Di thar chuan engtin ngai ang maw?

Hmangaih di hlui, ngai che mah i,

Hringnun damlai ni liam hma chuan;

I tang belh leh a rem tawh lo,

Hmangaih hmasa kha i hnawl tawh si a.

Duh leh, thlangkhuan chu lo dim mai nang che,

Chhingkhual hmeltha chu pawm mai rawh;

Ka thik lo'ng e, ka lawmpui zawk che,

Fanau malsawmna duhsak che,

In damlai ni pawh lo sei rawh se.

O..o...o mangtha, mangtha,

O..o...o mangtha, mangtha.